ಬಾಂಧವ್ಯ

ಪ್ರೀತಿ ಜೀವನದ ಮಧುರ ತರಂಗ

ಅದಾಯ್ತು ಸುಂದರ ನೀ ಇರಲು ಸಂಗ 

ಬಾಳಿನಲಿ ನೀ ತುಂಬಿದೆ ಸಂತಸ 

ಸಾಗುತಿದೆ ನಿನ್ನೊಡನೆ ನನ್ನ ವರುಷ 

ವಸಂತದ ಚಿತ್ರಣ ತುಂಬಿರಲು

ನಗುವಿನ ಮುದ್ರೆ ನೀ ನೀಡಿರಲು

ನನ್ನ ಲೋಕವೇ ಬದಲಾಯ್ತು

ಕನಸಿನ ಹಾದಿ ನಿನ್ನೆಡೆಯಾಯ್ತು

ಮೌನವಾದ ನನ್ನನು ನುಡಿಸಿದೆ
ನುಡಿದ ಪದಗಳ ಕವಿತೆಯಾಗಿಸಿದೆ
ನೋವಿನ ಮುಖ ಕಾಣದಾದೆ
ಸುಖದ ಸಂಪದ ನೀನಾದೆ

ಈ ನಲ್ಮೆಯ ನಿಧಿಗೆ ಆಗದಿರಲಿ ಧಾಳಿ
ಮನದಲ್ಲಿ ನಿನ್ನ ಬಿಂಬ ತುಂಬಿರಲಿ
ಸಂತೋಷದ ಹೊಳೆ ಹರಿದಿರಲಿ
ನಮ್ಮಿಬ್ಬರ ಈ ಬಾಂಧವ್ಯ ಹಸನಾಗಿರಲಿ

ಮಳೆ

ಕಾರ್ಮೋಡದ ಒಡಲಿಂದ ಹರಿದಿತ್ತು ಮಳೆಯ ಮಾಲೆ

ಮಿಂಚಿನ ಕಿರಣಗಳ ಸಾಲು ಸಾಲೇ

ವೇಗವಾಗಿ ಬೀಸುತ್ತಿದ್ದ ಗಾಳಿಯ ಅಲೆ 

ನೀರಿನ ಬಿಂದುವಿನ ಮುತ್ತಿನ ಬಲೆ

ಮನೆಯ ಮೂಲೆಯ ಕಿಟಕಿಯಲಿ ಕಂಡೆ 

ನೀನು ನನ್ನ ನೆನಪಿನ ಅಲೆಯಲ್ಲಿ ತೇಲಿಬಂದೆ

ಹಸಿರು ಬಣ್ಣದ ಆ ಎಲೆಗಳ ಮೇಲೆ ಬೆಳ್ಳಿಯ ಉಂಗುರ 

ಸುಂದರ ಪರಿಸರ ಹಾಸಿತು ಪ್ರೇಮದ ಹಂದರ

ಮಳೆಯಲಿ ನೆನದ ಆ ನೆನಪುಗಳು

ತಂಪನು ಎರೆದ ನಿನ್ನ ಸವಿ ಮಾತುಗಳು 

ತಣ್ಣನೆ ಗಾಳಿಯಂತ ನಿನ್ನ ಸ್ನೇಹ 

ಎಲ್ಲವೂ ಮನವ ಕಾಡುತಿಹುದು ಈಗ 

ಹೊಸ ಲೋಕದ ಸೃಷ್ಟಿ ಅಲ್ಲಿ 

ಮಳೆಯ ಹನಿಯ ಚಿಟ ಪಟದಲ್ಲಿ 

ನೀರಿನ ಆ ಮುತ್ತಿನಲಿ 

ನಿನ್ನ ಮೊಗವ ಕಂಡೆನಲ್ಲಿ

ಪ್ರತಿ ಎಲೆಯು ನಿನ್ನ ಹೆಸರ ಕೂಗಿದಂತೆ

ನನ್ನ ಎದೆಯ ನುಡಿಯ ನುಡಿದಂತೆ 

ಅನಿಸಿಹುದು ನನಗೆ ಹೀಗೆ ಇಲ್ಲಿ 

ನೀನು ಸಹ ನನ್ನನು ನೆನದಿರಬಹುದೇ ಅಲ್ಲಿ?

-- ಅಂತಹ ಪ್ರತಿ ನಿನ್ನ ನೆನಪಿಗೂ ನನ್ನ ಈ ಕವಿತೆ 

Dad!!! Its you

When I took my first step on this earth

You held my hand and walk me through

Everyday of my life is gift of you

Daddy I really love you!!

As I grew up you were my inspiration

You were the one who bought this transition

I am going stronger and you are the reason

I think of you for all my question(s)

Time passes and I miss your presence

But also I search my own existence

people say I am still to gain experience

Yes, I want to prove my perseverance

Stepping in this world I see myself alone

I have your principles with me which I own

The bonding is beautiful and cannot be shown

I just need your shadow to cure my pain

Dad you mean everything to me

You are the strength that keep me alive

Its true that I miss you

Yes, Daddy I Really love you!

ಭಾವನೆ

ಆ ಕರಿ ಮೋಡಗಳ ಸಾಲು ಸಾಲು

ಮಿಂಚಿನ ಬಣ್ಣದ ಸೊಡಲು

ಅಲೆ ಅಲೆ ಹೊಮ್ಮುವ ಕಡಲು

ಭಾವನೆಗಳ ಅರಳಿಸುವ ಈ ಒಡಲು

ಲೂಟಿ ಆದೆ ಆ ಭಾವನೆಗಳಿಗೆ 

ಮನವ ಮಿಡಿವ ಆ ಶ್ರುತಿಗೆ 

ಸ್ವರಕೆ ರಾಗ ಸೇರಿಸುವ ಆ ಶಕ್ತಿಗೆ 

ಕೊನೆಯೇ ಇಲ್ಲದ ಆ ಬಾಂದವ್ಯಕೆ

ಎಷ್ಟು ನೋಡಿದರೂ ಸಾಲದಷ್ಟು ನೋಟ 

ಎಷ್ಟು ನುಡಿದರೂ ಮುಗಿಯದ ಮಾತು

ಕಣ್ಣು ಕಣ್ಣ ಆ ಮೂಕ ಭಾಷೆಗೆ,
ಸೋಲದವರಿಲ್ಲ ಈ ಪ್ರೀತಿಗೆ

ಪ್ರೀತಿ ಮಧುರವಾದುದು
ಭಾಷೆಗೆ ಬಣ್ಣನೆಗೆ ನಿಲುಕದ್ದು

ನಿರ್ಮಲವಾದದ್ದು ಕೋಮಲವಾದುದು

ಕವಿಯ ರಚನೆಯಂತೆ 

ಇದು ಪ್ರಕೃತಿಯಂತೆ 

ಸದಾ ನಮ್ಮೊಂದಿಗೆ ಬೆರೆತಿಹುದಂತೆ!! 

ಅದೊಂದು ದಿನ

ಸ್ನೇಹಿತನೇ,

ಅಂದು ನಾನು ಹೇಳ ಬಯಸಿದೆ ಸಣ್ಣ ಪದವ 

ಅರಿಯದೆ ಅರಳಿಸಿತು ನನ್ನಲ್ಲಿ ಭಯದ ಕಣವ 

ಮನವು ನುಡಿಯುತಿತ್ತು ಆ ಮಧುರ ಮಾತು,

ಕೇಳಬಯಸುತಿತ್ತು ಅದನು ನಿನ್ನ ಬಳಿಯೇ ಕುಳಿತು 

ಆ ಕ್ಷಣಗಳು ವಿಸ್ಮಯ,

ನಾನಾದೆ ತನ್ಮಯ,

ನೀ ನುಡಿಸು ಬಾ ನನ್ನ ಹೃದಯ ವೀಣೆಯ,

ನೀನೆ ತಾನೆ ನನ್ನ ಬಾಳ ಗೆಳಯ!

ಮೌನವೆ ನುಡಿಯಾಯ್ತು ನುಡಿಯು ಕವಿತೆಯಾಯ್ತು 

ಬಾಳು ಹಸನಾಯ್ತು ನೋವು ಹುಸಿಯಾಯ್ತು

ಸಂಗೀತದ ಸ್ವರಗಳ ಸಮ್ಮಿಲನವಲ್ಲಿ

ಪನ್ನೀರ ಎರೆಯಿತು ನನ್ನ ಅಂಗಳದಲ್ಲಿ 

ಮನದಲ್ಲಿ ಆ ರೀತಿಯ ತೊಳಲಾಟ 

ಜೀವನದಲ್ಲಿ ಬಂಧನಗಳ ಈ ಆಟ 

ಬಿಡಿಸಲು ನೀನು ನನ್ನ ಕನಸುಗಳ ಗಂಟ

ಅಳಿಸದಿರು ಎಂದಿಗೂ ನೀ ನಮ್ಮಿಬ್ಬರ ಈ ನಂಟ

ಸುರಿಮಳೆ

ಅಲ್ಲಿ ಸ್ನೇಹದ ಹರುಷದ ಸುರಿಮಳೆ,

ನಡೆದಿತ್ತು ಬದುಕಿನ ಭಾವನೆಗಳ ಸಮ್ಮಿಲನ,

ಜೀವನದ ಕೆಲವು ಕ್ಷಣಗಳಲ್ಲಿ ಸಂತಸದ ಸಂಚಲನ

ಇದು ನನ್ನ ಬಾನುವಾರದ ಸಂಜೆಯ ಒಂದು ಗಾನ!!

ಮನಸು ಅಲ್ಲಿ ಗರಿಗೆದರಿ ಹಾರುತ್ತಿತ್ತು

ಎಲ್ಲಾ ಮುಗ್ದತೆಯ ಸವಿ ನೆನಪುಗಳು 

ಅಲ್ಲಿ ಎಲ್ಲರೂ ಬಯಸಿದ್ದು ನಗುವಿನ ಹಾಡುಗಳು 

ಗುನುಗುನಿಸಿದ್ದು Sanireeta ಪದಗಳು!!

ಪಯಣದ ದಾರಿ ತುಂಬಾ ಚಿಕ್ಕದೆನಿಸಿತು 

ಕ್ಷಣಗಳು ಕ್ಷಣದಲ್ಲಿ ಮರೆಯಾಗುತಿತ್ತು

ಅಲ್ಲಿ ನನಗೆ ಕಂಡದೆಲ್ಲಾ ಹತ್ತಿರವಾಗುತಿತ್ತು

ಹಾಗೆ ಸಮಯ ನನ್ನಿಂದ ದೂರವಾಗುತಿತ್ತು!!

ಪ್ರತಿ ಪದಗಳು ಕವನವಾಯಿತು 

ಮನಸಲ್ಲಿ ಶಾಂತತೆ ನೆಲಸಿತು 

ಸಮೀಪದ ಸಂಗೀತ ಅಲ್ಲಿ ಕೇಳಿಸಿತು

ಆದರೆ ಕೊನೆಗೂ ವಿದಾಯ ಹೇಳುವ ಸಮಯ ಹತ್ತಿರವಾಯ್ತು!!!

ಒಂಟಿ

ಈ life ಲಿ ನಾನು ಒಬ್ಬಂಟಿ 

ಜೀವನವಾಯ್ತು twenty twenty

ಅಲ್ಲಿ ತುಂಬಿತ್ತು ಬರೀ ಶುಂಟಿ

ಇಲ್ಲವಾಯ್ತು ಇಲ್ಲಿ ಮಸ್ತಿ !!!!!

ಬಯಸುತ ಸೇರಿದೆ ಕೆಲವು  group

ಆದರೂ ಮನದ ಗೂಡು ಆಗಿತು ಕಲಬೆರಿಕೆ soup

ನನ್ನ ದಿನಗಳು ಆಗಿದೆ ಖಾಲಿ pipe 

ಈಗ ಎಲ್ಲರೂ ಅಂತಾರೆ ನಾನು ಒಂದು type !!!!

ಹೇಗೆ ತುಂಬಲಿ ಈ ದಿನಗಳಲಿ happiness

ಇರದಾಗಿದೆ ಇಲ್ಲಿ  ಬಂಧನದ sickness 

ಆವರಿಸಿದೆ ಇಲ್ಲಿ ತುಂಬಾ darkness 

ಕಣ್ಣಲ್ಲಿ ತುಂಬಿದೆ ಬರೀ tears !!!!

ಬೇಜಾರಾದ್ರೆ ಕಂಪ್ಯೂಟರ್ ನಲ್ಲಿ games 

ಹೊರಗಡೆ ಹೋದ್ರೆ traffic signals 

ದಿನಗಳು ಕಳೆದಿದೆ  without  friends 

ಬೇಕಿದೆ ಈಗ ಸಂತಸದ showers !!!!!   

ಪ್ರೀತಿ ತುಂಬುವುದಂತೆ energy 

ಆದರೂ ಜನರಲ್ಲಿ ತುಂಬಿದೆ stratergy 

ಜೀವನದಲ್ಲಿ ಹಾಕಿಕೊಂಡು ಹಲವೂ policy 

ಯಾವಾಗ ಸಿಗುವುದು ಇದಕ್ಕೆಲ್ಲಾ clarity !!!!