ಬಾಂಧವ್ಯ

ಪ್ರೀತಿ ಜೀವನದ ಮಧುರ ತರಂಗ

ಅದಾಯ್ತು ಸುಂದರ ನೀ ಇರಲು ಸಂಗ 

ಬಾಳಿನಲಿ ನೀ ತುಂಬಿದೆ ಸಂತಸ 

ಸಾಗುತಿದೆ ನಿನ್ನೊಡನೆ ನನ್ನ ವರುಷ 

ವಸಂತದ ಚಿತ್ರಣ ತುಂಬಿರಲು

ನಗುವಿನ ಮುದ್ರೆ ನೀ ನೀಡಿರಲು

ನನ್ನ ಲೋಕವೇ ಬದಲಾಯ್ತು

ಕನಸಿನ ಹಾದಿ ನಿನ್ನೆಡೆಯಾಯ್ತು

ಮೌನವಾದ ನನ್ನನು ನುಡಿಸಿದೆ
ನುಡಿದ ಪದಗಳ ಕವಿತೆಯಾಗಿಸಿದೆ
ನೋವಿನ ಮುಖ ಕಾಣದಾದೆ
ಸುಖದ ಸಂಪದ ನೀನಾದೆ

ಈ ನಲ್ಮೆಯ ನಿಧಿಗೆ ಆಗದಿರಲಿ ಧಾಳಿ
ಮನದಲ್ಲಿ ನಿನ್ನ ಬಿಂಬ ತುಂಬಿರಲಿ
ಸಂತೋಷದ ಹೊಳೆ ಹರಿದಿರಲಿ
ನಮ್ಮಿಬ್ಬರ ಈ ಬಾಂಧವ್ಯ ಹಸನಾಗಿರಲಿ