ನೀ.. ನಾನ್

ನನ್ ಉಸಿರು ನೀ,  ನಿನ್ ಜೀವ ನಾ

ನನ್ ಬದುಕು ನೀ ನಿನ್ ಹೃದಯ ನಾ 

ನನ್ ಕಣ್ ನೀ, ನಿನ್ ನೋಟ ನಾ 

ನನ್ ಮಾತು ನೀ , ನಿನ್ ದನಿಯೇ  ನಾ 

ಮನದಲ್ಲಿ ಉಳಿದಂತ ಈ ಎಲ್ಲಾ ಭಾವನೆಗೆ 

ನೀ ತಾನೆ ಈಗ ತಂದೆ ಪನ್ನೀರ ಹನಿಯೊಂದ!

ನನ್ ಉಸಿರು..... 

ನನ್ನನ್ನು ನಾ ಈಗ ಮರೆತೆ, ನಿನ್ನಲ್ಲಿ ನಾ ಸೇರಿಹೋದೆ 

ಸಂತಸದ ಕಾರಂಜಿಯಾದೆ, ಒಲವಿನ ಹೊನಲನ್ನು ತಂದೆ!

ಹೇಗೋ ಏನೋ ಜೊತೆಯಾಗಿ ನೀ ಒಲಿದು ಈಗ ಬಂದೆ 

ಪ್ರೀತಿಗೆ ಸೆರೆಯಾಗಿ ನಾ ಕಳೆದು ಹೋದೆ 

ಕಡಲಲ್ಲಿ ನಾ ಅಲೆಯಾದೆನು, 

ಮಳೆಯಲ್ಲಿ ನಾ ಹನಿಯಾದೆನು

ಗಿಡದಲ್ಲಿ ನಾ ಹಸಿರಾದೆನು .... 

ಕಣ್ಣಲ್ಲಿ ನಾ ಬೆಳಕಾದೆನು !

 

ರಾಗದ ಮಿಲನದಿ ಭಾವಗಳ ಸಮಾಗಮ 

ಸ್ವರಗಳ ಮಿಡಿವ ಹೃದಯದ ಪರಿಕ್ರಮ 

ಉಸಿರ ಹಿಡಿವ ಬಂಧನಗಳ ಸಂಯಮ 

ಬಂಧಿಸುವ ಕೈಗಳ ಸ್ವತಂತ್ರ ಸಂಗ್ರಾಮ 

ಬಂಧನದಿ ಮುಕ್ತಳಾದೆನು 

 ಸಂಯಮವ ಕೈ ಹಿಡಿದೆನು 

ಮಿಡಿತವನು ಸಂಧಿಸಿದೆನು 

ಬೆಳಕನ್ನು ನಾ ಕಂಡೆನು!!!!