ಪ್ರೇಮಿ

ಮಾಯಾ ಲೋಕದ ದಿಟ್ಟ ನಾವಿಕ, ಹೃದಯ ನೀಡುವೆ ಸ್ವೀಕರಿಸೆಯಾ?
ಭವ್ಯ ಲೋಕದ ದೀರ್ಘ ಪಯಣಕೆ ಅಣತಿಯನು ನೀ ಕೊಡುವೆಯಾ?
ಈಗಂತೂ ನಿನ್ನಲಿ ನಾ ನಿನ್ನಲಿ ಇರುವೆನು, ಮಾತಲ್ಲೇ ಮರೆಯುತಾ ನಾ ಮರೆಯುತಾ ಕುಣಿವೆನು !!!


ಕಂಡೆನು ಪಯಣದಿ ಮನದ ಅಂತರ್ಯವನ್ನು,  ಸುಂದರ ಮನಸಿನ ಒಬ್ಬ ಪ್ರೇಮಿಕನನ್ನು
ಕಳೆದು ಹೋದೆ ನೋಡಲ್ಲಿ ನಿನ್ನ ಪ್ರೇಮ ಧ್ಯಾನದಿ, ಸುಂದರ ಸ್ವಪ್ನ ತಂದ ಆ ಕ್ಷಣದಲಿ
ನನ್ನನೇ ....... ನಾ ಈಗ ಮರೆತನು

ಹೂವಿನ ಬನದಲಿ ಬಣ್ಣದ ಚಿತ್ರ ನೀನು, ರಂಗನು ತುಂಬುವ ನಾ ಹೊನ್ನಿನ ಕುಂಚವೇನು?
ಒಲಿವಿನ ಈ ಲೋಕದಲ್ಲಿ ಕಣ್ಣಿನಂತೆ ನೀನು, ನಿನ್ನ ಕಣ್ಣ ಕಾಯುವ ರೆಪ್ಪೆ ನಾನು,
ಹಿಡಿದಿರು....  ನನ್ನ ಈ ಕೈಯನು!!!


ಇಡುತ ನೀ ಹೆಜ್ಜೆಯ ಬಂದೆ ಹೃದಯದ ಬೀದಿಗೆ, ನೀಡುತ ಭಾಷೆಯ ನನ್ನ ಭಾವನೆಗಳಿಗೆ
ತಿಳಿಯದೆ ನಾ ಹೋದೆ ಪ್ರೀತಿಯ ಈ ಜಾಡನು, ಹುಡುಕುತ್ತಲೇ ಇರುವೆ ನಿನ್ನ ಕನಸನು
ಅನುಮತಿ ......ನೀ ಈಗ ಕೊಡುವೆಯಾ?

 " In tunes of song Yava seemeya - Johny mera naam movie"