ಪ್ರೀತಿ

ಪ್ರೀತಿ ದೇವರಂತೆ!
ಕಾಣದ ಕಡಲಂತೆ!
ಪ್ರೀತಿ ಕನಸಂತೆ!
ಹುದಿಗಿರುವ ಬೆಂಕಿಯಂತೆ!

ವಿಭಿನ್ನ ಭಾವನೆಗಳ, ಭದ್ರ ಕೋಟೆಯಿದು
ವಿಚಿತ್ರ ಲೋಕದ ಹುಚ್ಚು ಕನಸಿನಡಿ
ಬೇಡಿ ಇರದೆ, ಬೇಲಿ ಇರದೆ,
ಹೆಜ್ಜೆಗಳ ಸದ್ದು ಮಾಡದೆ ಆವರಿಸುವ ಮಾಯೆಯಿದು

ಬೆಳಕಿಂದ ಕತ್ತಲಿನೆಡೆಗೆ, ಕತ್ತಲಿಂದ ಬೆಳಕಿನೆಡೆಗೆ
ಒಂಟಿ ಹೃದಯದಿಂದ ಜಂಟಿ ಜೀವನದವರೆಗೆ
ತೃಪ್ತಿಯಿಂದ ಅತೃಪ್ತಿವರೆಗೆ
ಸೋಲಿಲ್ಲದ ಜಯದವರೆಗೆ ಕಾಡುವ ಮಾಯೆಯಿದು

ಹರಿವ ನದಿಯ ಉತ್ಸುಕತೆಯಂತೆ
ಸಮುದ್ರದ ತೆರೆದ ಬಾಹುವಿನಂತೆ
ಮಳೆಯಲಿ ಮಿಂದ ಅವನಿಯ ತೆರದಿ
ಸಂಪ್ರೀತಿಯ ಸಮ್ಮಿಲನದ ಛಾಯೆಯಿದು