ಹಸಿವು

ಹಸಿವು, ಹಸಿವೆಂದರೆ ನೋವು
ಹಸಿವೆಂದರೆ ರೋಧನ
ಆಲಾಪನೆ ಮಾಡದು ಹೊಟ್ಟೆ, ಆದರೂ ರಾಗದಿ ಬೆರೆತ ಸ್ವರ
ಹಹಹ!!! ನಗುವಿರೇಕೆ ನೀವು, ತಿಳಿದೀತೇ ನಿಮಗೆ ಅದರ ದುಃಖ

ದೇಹವು ದಣಿವುದೇಕೆ? ಆಹಾರದ ಬಯಕೆ ಏಕೆ?
ಪ್ರಕೃತಿ ನಿಯಮ ಇದು! ಬೇಡವೆಂದು ಜರಿದರು ಬಿಡುವುದುಂಟೆ ?
ಒಂದು ದಿನದ ಒಂದು ಸರದಿಯ ಮರೆತರೂ
ಇಷ್ಟೊಂದು  ಸುಡುವುದು ಒಳಗೆ ತಾನೇಕೆ?

ಕೋಪ ರೋಷದ ಕಿಚ್ಹ ಹೊರದೂಡುವುದು
ಮನದಲಿ ನಿರೀಕ್ಷಣೆಯ ದೀಪ ಹಚ್ಚುವುದು
ಕೊನೆಯ ತುದಿಯ ಸೇರಿ ಹೊಸ ಆಲೋಚನೆ ಹುಟ್ಟಿಸುವುದು
ಕಣ್ಣಲ್ಲಿ ಇಲ್ಲದ ಕನಸ ಹುಟ್ಟಿಸುವುದು!!


ಹಸಿವು, ಹಸಿವೆಂದರೆ ನೋವು
ಹಸಿವೆಂದರೆ ರೋಧನ