ರಾಗ

ಎಲ್ಲೊ ದೂರದಿ ನೀನು ಹಾಡಿದ
ರಾಗವನ್ನು ಆಲಿಸಿದೆ....
ನಿನ್ನ ಕಾವ್ಯದ ರಾಗದೊಳಗೆ
ನನ್ನ ಭಾವನೆ ಬೆರೆಸಿದೆ .....

ಸಂಧಿಗೊಂದಿಯ ನಡುವೆ ಹರಿವ
ಜಲಧಾರೆಯಂತೆ ನೀನು....
ನನ್ನ ಮನದ ಅರಮನೆಯ
ದಿವ್ಯ ಜ್ಯೋತಿಯ ಬೆಳಕು ನೀನು .....
ಹೇಗೆ ತಿಳಿಸಲಿ ಮೌನ ಭಾಷೆಯ ಹೃದಯದ ಅಂತರಾಳವನು!!!
ಅಲೆದು ಅಲೆದು ದಣಿದೀಹುದೀ ಮನ ಅರಿಯಲು ನಿನ್ನ ರಾಗವನು !!!!

ಎಲ್ಲೊ ದೂರದಿ ನೀನು ಹಾಡಿದ ........

ಸಪ್ತಸಾಗರದ ಸಪ್ತಸ್ವರಗಳ ಅಡಗಿಸಿರುವ
ಆ ರಾಗ......
ಮರೆಯಬಹುದೆ ಎಂದಾದರೂ ನೀ
ನಾನು ತಂದ ಉದ್ವೇಗ
ನೆರಳು ಬಿಸಿಲಲಿ ಆಡುವ ಜೋಕಾಲಿ, ನಿಲ್ಲದಿರಲಿ ಎಂದೆಂದೂ
ಜೀವಂತವಾದ ನಿನ್ನ ನೆನಪು ಸೇರಲಿ ಗುರಿಯನು ತಾನೆಂದೂ


-----------------------------------------------------------------------------------------------------------------------
ನನ್ನ ಮೊದಲ ಭಾವಗೀತೆ ................