ನೀ

ನೀ ಸುಳಿದೆ ಮರಗಳ ಮರೆಯಲಿ
ಆಡುತ ಕಣ್ಣಾ ಮುಚ್ಚಾಲೆ,
ಹರಡುತ ಬಣ್ಣಗಳ ಸುಂದರ ರಂಗು
ಮೆರೆಸುತ್ತಿದ್ದೆ ನೀ ನಿನ್ನ ಮೆರುಗು

ನಾ ಸಾಗುತ್ತಿದ್ದ ಹಾದಿಯಲ್ಲೇ ನಿನ್ನ ಪಯಣ
ಹೆಜ್ಜೆ ಹೆಜ್ಜೆಯಲ್ಲೂ ನಿನ್ನದೇ ಧ್ಯಾನ
ದಿನಚರಿಯ ಭಾಗ ಕಳೆದು ಹೋದಂತೆ ನನಗೆ
ಮರೆಯಾಗಿ ನೀ ದೂರ ನಿಂತರೆ ಹೇಗೆ??

ವಾಹನದ ಚಕ್ರಗಳು ಉರುಳುತಿದ್ದರೂ ನಾನು ಕಳೆದು ಹೋದೆ ಎಲ್ಲೊ
ಆಲಿಸುತ್ತಿದ್ದೆ ನಿನ್ನ ದನಿಯನ್ನು ಕುಳಿತು ಅಲ್ಲೆಲ್ಲೂ
ನೀ ಆಗಲಾರೆ ದೂರ ನನ್ನಿಂದ,
ಇದ್ದರೂ ನಮ್ಮಿಬ್ಬರ ನಡುವೆ ಈ ಸಮಯದ ಅಂತರ

ಜಗದ ಯಾವುದೇ ಮೂಲೆಯಲಿ ನಾ ಉಳಿದರೂ
ಕಾಣುವೆ "ರವಿ" ನಿನ್ನ ಮೊಗವ ನಾ ಎಲ್ಲೆಲ್ಲೂ
ಹರಿಸು ದಿನವು  ನೀ ನಿನ್ನ ಕಿರಣಗಳ ಸುರಿಮಳೆ
ನಾ ತೊಡುವೆ ಆಗ ಆ ಚಿನ್ನದ ರೇಖೆಯ ಬಳೆ